XXII edición dos premios Muralla de Lugo de debuxo e redacción infantís.
O CPR Santiago Apóstol é o colexio gañador na categoría de grupo de traballos de debuxo.
O poder de convocatoria dos premios Muralla púxose de novo de manifesto nesta edición, a vixésimo segunda, á que concorreron 2.505 debuxos e 152 redaccións realizados por escolares de 44 centros docentes das catro provincias galegas.
Ademais de temas de actualidade como a pandemia e a invasión de Ucraína, os nenos abordaron nos seus traballos, co monumento romano como epicentro, outros asuntos: a sustentabilidade, o coidado do medio ambiente, a protección do patrimonio histórico-artístico ou o apoderamento feminino.
Parabéns a todos os premiados!
