Durante o mes de novembro estamos a elaborar un proxecto sobre ALIMENTACIÓN, polo que participamos nun obradoiro de nutrición saudable.

Na primeira sesión, explicáronnos as diferenzas entre os alimentos, o que nos aportan: vitaminas, proteínas, calcio… Tamén nos indicaron a cantidade que temos que comer de cada grupo para que a nosa dieta sexa equilibrada. Para rematar, elaboramos un menú cos alimentos que máis nos gustan coas cantidades axeitadas.

Na segunda sesión, coñecemos moitos dos xermes que nos rodean e que poden ser beneficiosos ou prexudiciais para a nosa saúde. Fixemos algúns con plastilina e quedaron así de chulos.

Elena, a profesora que traballou connosco, ensinounos a todos a lavar as mans moi ben para non enfermar nin contaxiarnos.

Agora, seguimos a traballar no noso proxecto, que esperamos mostrarvos dentro de pouco.

Parabéns Elena por ensinarnos cousas tan importantes.