Un ano máis chegou a data, e puxémonos mans á obra para celebrala. Fixémolo de maneira anticipada porque, como ben sabedes, Halloween é o 31 de outubro, véspera de Todos os Santos (Hallow – even).
Decoramos a entrada do colexio, as portas e os corredores con monstros ben terroríficos e teas de araña. Tamén, maiores e pequenos, nos maquillamos para a ocasión.
Estabamos irrecoñecibles!


Fixemos o truco ou trato (trick or treat) co que conseguimos algún carameliño que nos deixaba a lingua da cor do sangue.


Traballamos nun mural e cada grupo fixo unha actividade: Os de primeiro de primaria pintaron“ghosts”, e os de segundo decoraron unha careta con “skeletons” e “witches”.


Os de terceiro de primaria crearon “monsters” , mentres que en cuarto xogaban ao tres en raia (tic – tac – toe) con fichas especiais destes días: “pumpkins” e “bats”.




Os alumnos de quinto e sexto aproveitaron o mural de abaixo para facer un “photocall” e deseñaron cousas divertidas para decorarse con elas.


Gozamos moito do día e xa estamos argallando qué podemos facer o ano que vén…