Nalanda, unha compañeira de cuarto de Primaria, esta semana da volta ao cole, paseando pola praia da Frouxeira de Valdoviño, de súpeto, atopouse cun impresionante tesouro…
Unha buguina xigante!
É moi fermosa e cando a achegas á orella, como por arte de maxia, pódese escoitar un son moi semellante ao do mar.
Así que quixo compartir a experiencia con tódolos compis de primaria e aproveitamos para repasar o aprendido en ciencias acerca destes animais invertebrados, pertencentes ao grupo dos moluscos e ao subgrupo dos gasterópodos.
Encantounos!
Agora, cada vez que vaimos á praia, estaremos pendentes por se temos a mesma sorte de atopar unha tamén nós!
