Best WordPress Theme based on Material Design - Materialize is a freemium WordPress theme developed by myThem.es

MM

Admisión 2023/2024

Admisión 2023/2024

por MM

Cita previa para visitar o centro ou recibir información: 981 383 851 ou secretaria@cprsantiagoapostol.com

  • Prazo ordinario de admisión: 1 ao 20 de marzo de 2023
  • Forma de presentación:

Recoméndase o uso preferente da modalidade electrónica para a presentación das solicitudes, sempre que se dispoña de certificado dixital ou Chave365.

As solicitudes presentadas entre o 21 de marzo e o 25 de abril serán recollidas e rexistradas como presentadas fóra de prazo, a partires do 25 de abril considérase presentada en prazo extraordinario e deben ser entregadas na Inspección Educativa ou no propio centro (Formulario período extraordinario: Galego – Castelán).

  • 23 de marzo ao 5 de abril de 2023: Documentación acreditativa dos criterios de baremo.
  • Antes do 25 de abril de 2023: Publicación das listaxes provisionais.
    • Reclamacións contra as listaxes provisionais no prazo de 5 días hábiles contados desde o seguinte ao da súa publicación.
  • Antes o 15 de maio de 2023: Publicación das listaxes definitivas. 

Prazas vacantes para o curso 2023/2024. Poderán sufrir variacións ata o mes de maio de 2023.

Ler Máis→

Calendario de matrícula 2022-2023

por MM
  • Educación INFANTIL e PRIMARIA: Do 20 ao 30 de xuño
    • Alumnado de nova incorporación.
    • A formalización da matrícula é automática para o alumnado matriculado no centro durante o curso 2021 – 2022.

  • Educación Secundaria Obrigatoria
    • 1º ESO o martes 28 de xuño
    • 2º ESO o mércores 29 de xuño
    • 3º ESO o xoves 30 de xuño
    • 4º ESO o venres 1 de xullo

Axudas NEAE 2022/2023

por MM

Axudas para alumnos con necesidade específica de apoio educativo 2022/2023

Convocatoria: Resolución pola que se convocan as axudas; Anuncio da convocatoria (BOE do 18 de maio de 2022)

Prazo aberto ata o: 30 de setembro de 2022 (inclusive)

As axudas citadas soamente están destinadas a aqueles alumnos que requiran por un período da súa escolarización ou ao longo de toda ela, determinados apoios e atencións educativas específicas derivadas da súa discapacidade ou transtorno grave de conducta, ou ben, asociados a altas capacidades intelectuais.

Tramitación

Realizarase por vía telemática a través da sede electrónica do Ministerio.

Máis información na web do Ministerio de Educación.

Axudas libros de texto 2022/23

por MM

Esta orde ten por obxecto regular, no ámbito dos centros docentes da Comunidade Autónoma de Galicia sostidos con fondos públicos e para o curso 2022/23, o procedemento ED330B: Participación no fondo solidario de libros de texto e axudas para adquirir libros de texto e material escolar.

  • A participación no fondo solidario de libros de texto do alumnado matriculado en 3º, 4º, 5º e 6º de educación primaria (en diante, EP) e en 1º, 2º, 3º e 4º de educación secundaria obrigatoria (en diante, ESO).
  • En 3º e 5º de EP e 1º e 3º da ESO permitirase a substitución dos libros de texto para a adaptación aos currículos que establece a Lei orgánica 3/2020, do 29 de decembro, de modificación da Lei orgánica de educación (LOMLOE).
  • En 4º e 6º de EP e 2º e 4º da ESO manteranse os libros de texto do curso 2021/22.

Á convocatoria de axudas para adquirir libros de texto destinadas ao alumnado matriculado en 1º e 2º de EP e en educación especial (en diante, EE), así como as axudas que pode recibir o alumnado incluído nas disposicións adicionais primeira e segunda desta orde.

Á convocatoria de axudas para adquirir material escolar destinadas ao alumnado matriculado en EP, ESO e EE.

Normativa: ORDE do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23 (códigos de procedemento ED330B, ED330G e ED330H).

Prazo de presentación: desde o 19/05/2022 e rematará o día 22 de xuño de 2022. O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 31 de marzo de 2023.

Presentación de forma presencial (Anexo I e Anexo II)

Presentación a través da sede electrónica.

Máis información