Para rematar o mes de maio, a mellor maneira de celebralo é cos nosos compañeiros e unha bici. Ademais, aprendemos uns consellos, da man do Club Clásico BikeWorks para leválos á práctica nas nosas próximas saídas… “O verán promete!”
Comezamos polo casco, accesorio importantísimo. Aprender a axustalo correctamente é fundamental para a nosa seguridade. Moitos de nós adoitamos levalo frouxo ou moi frouxo, isto en caso de accidente restaralle eficacia.
Antes de saír en bicicleta, é necesario revisar a presión das rodas, axustar correctamente a sela e o guiador, revisar os freos e que a cadea estea lubricada.
Fíxate no tamaño dos piñóns e non tanto nos números que tes no guiador, no momento de falar en cal estás, xa que éstes poden variar duns modelos a outros de bici.
Resulta moi práctico saber desmontar e volver montar a roda dianteira, por exemplo cando teñamos que transportar a bici no coche.
Realizar circuítos de habilidade e equilibrio axudarannos a mellorar o dominio e control na condución. Lembra utilizar os dous freos con toques pequenos e discontinuos.
